Biskota me mjaltë janë ideale për mëngjesin të shoqëruara me një gotë qumësht. Këto biskota mund ti përgatisim më parë dhe i ruajmë në një vazo qelqi. Janë shumë të thjeshta për tu përgatitur dhe shumë të shijshme.
Përbërësit për Biskotat me mjaltë:
- 300 gr miell
- 80 ml kos i bardhë
- 100 gr mjaltë
- 2 vezë
- 80 gr gjalpë i shkrirë
- maja pluhur për ëmbëlsira
Për lyerje:
- 1 të verdhë veze
Video Receta Biskota me mjaltë:
Pëgatitja e biskotave:
Ne një enë, përziejmë miellin së bashku me majanë pluhur. Më pas shtojmë të gjithë përbërësit e tjerë së bashku me dy vezët.
I përziejmë së bashku në brendësi të enës derisa të arrijmë një masë homogjene. Më pas brumin e mbështjellim me qeske kuzhine dhe e lëmë te pushojë për 30 minuta.
Pasi brumi ka pushuar, e ndajmë në dy pjesë dhe gjysmën e mbështjellim përsëri me qeske dhe me okllahi (pec) e hapim me petë me trashësi rreth 5 milimetra.
Me ndihmën e formave e presim brumin dhe e vendosim në tav, ku kemi shtruar letër kuzhine.
Pasi kemi prerë të gjitha biskotat, dhe i kemi shtruar në tavë, rrahim një të verdhë veze dhe me ndihmën e një furçe kuzhine i lyejmë me kujdes në sipërfaqe.
Biskotat me mjaltë i pjekim në furrë të nxehur më parë në temperaturën 180 gradë për 20 minuta.
Biskotat janë gati për tu shërbyer, ideale të shoqëruara me një gotë qumësht.
Ju bëftë mirë!!!